Священномученик Василий (Соколов), протодиакон.
День памяти 2 апреля.
Родился в семье диакона. Окончив духовное училище, служил псаломщиком. Рукоположен во диакона в 41 год. Был награжден двойным орарем; возведен в сан протодиакона.
Арестован в 37-м на основании показаний лжесвидетелей. Приговорен к 10 годам лагерей. Через 4 месяца после приговора отец Василий скончался в лагере.
Подробнее см. http://www.fond.ru/userfiles/person/345/1293742722.pdf

В этом году 2 апреля совершается соборная память преподобномучениц Сходненских Наталии, Екатерины и Елены.
Тропарь собора преподобномучениц Сходненских, глас 4:
Приспе день светлаго торжества,/ земля Московская радуется/ и вси людие веси Сходненския духовно торжествуют,/ прославляюще вас, преподобномученицы Наталие, Екатерино и Елено./ Вы бо, души своя за веру Христову положивше,/ венцы мученическими украсилися есте,/ ныне же, Престолу Святыя Троицы предстояще,/ веси нашей мир испросите// и душам нашим велию милость.

Кондак собора преподобномучениц, глас 3:
Восхвалим днесь троицу преподобномучениц Сходненских,/ во храме Святыя Троицы усердно подвизавшихся,/ в годину же лютых искушений/ веру Православную пред мучители исповедавших/ и кровь свою за Христа пролиявших./ Сего ради страстотерпицам Христовым воспоим:/ радуйтеся, Наталие, Екатерино и Елено,/ веси Сходни заступницы богодарованныя// и молитвенницы о душах наших.

Молитва преподобномученицам Сходненским.
О, святыя и всехвальныя невесты Христовы, преподобномученицы Наталие, Екатерино и Елено!
Вы, от юности Бога возлюбивше, Тому единому служити восхотели есте и, монашеский путь ко спасению избравше, в трудех и молитвах усердно подвизалися есте. Егда же прииде время лютых гонений на веру Православную и безбожнии разориша обители ваша, призва Господь вас в весь Сходненскую, во храм Святыя Троицы, отонудуже востекли есте в Небесный чертог, венец мученичества восприемше.
Темже, предстояще пред честным образом вашим, хвалим, славим и величаем прославльшаго вас Господа, Емуже вы с лики новомучеников Церкве Русския ныне предстоите, и умильно вопием:
О, святыя мученицы! Молите Всеблагаго Бога, да низпослет нам милости Своя богатая и в Православней вере нас утвердит, неверующих вразумит, отпадших от Церкве на путь Истины обратит, весь же нашу Сходню и вся грады Российския от всякаго зла сохранит, да тихое и мирное житие поживем во всяком благочестии и чистоте, и сподобимся вкупе с вами прославляти Отца и Сына и Святаго Духа, Троицу Единосущную и Нераздельную в безконечныя веки. Аминь.